Өнөөдөр буюу 10-р сарын 5н Олон улсын хэмжээнд БАГШ НАРЫН БАЯРЫН өдөр хэмээн тэмдэглэдэг өдөр билээ.
Монгол маань багш нарын баярыг 2 сард тэмдэглэдэг байсанаа 2016 оноос эхлэн анх удаагаа олон улстай хөл нийлүүлэн 10-р сарын 5д тэмдэглэж байхаар болсон юм.
Тэр үед миний бие ШУТИС-н Багшийн хөгжлийн төвийн захиралын албыг хашиж байсны хувьд анх удаагаа намар багш нарын баярыг тэмдэглэх ажлыг зохион байгуулсан сан. Түүнээс хойш 10н жил өнгөрчээ. Цаг хугацаа хурдан аж.
2016 оны 10-н сарын 5д хийсэн үйл ажиллагаанаас олон сайхан дурсамж үлдсэний нэг бол баярын хурлыг яг тэр өдөр нь хийж бас тэр хуралд зөвхөн сургуулийнхаа багш оюутнуудаар ая дуу өргүүлсэн үйл явдал байсан билээ. Тэр баярын хурлыг хөтөлж байсан оюутан маань одоо цагийн хүрдийг хөтөлдөг сэтгүүлч болсон. Бас тэр хуралд ая дуугаа өргөж байсан олон салбарын багш нар ойртон нөхөрлөж олон бүтээлүүдийг хамтдаа гаргасан.
Дурсамжтай сайхан өдрөө ДЭЛХИЙН бүх БАГШ НАРТ тэр тусмаа МОНГОЛЫНХОО бүх БАГШ НАРТ баярын өдрийн мэндийг хүргэе.
Шавь нар нь эрдмээр дүүрэн байж, багш нар нь бүтээлээр арвин байг ээ…
Recent Comments