КТ 10 жил

КТ мэргэжил нээгдсэний 10-н жилийн ой энэ жил болох билээ. Үүнд зориулан хэд хэдэн бүтээлч ажил хийхээр зэхэж эхлээд байна.

1. 5-р сард Эрдэм шинжилгээний хурал зохион байгуулахаар санаачлаад байна. Хурлын тов тодорхой болохоор сайт дээр дэлгэрэнгүй урилга тавина. Иймд мэргэжлээрээ ажиллаж байгаа төгсөгчид өөрсдийн хийсэн судалгааны ажлууд болоод шинэ санаа бодлоороо илтгэл бэлдэж оролцож болох бөгөөд эрдмийн ажил хийж байгаа болон Магистрт сурч байгаа төгсөгчид эрдэм шинжилгээний өгүүллээ өгч болно. Учир нь энэ хурлын илтгэлүүдийн эмхэтгэлийг хэвлэн гаргах санаа байна. Мөн энэ хуралд дотоодын ижил мэргэжил бэлтгэдэг сургуулиуд болоод гадаадын багш нарыг урин оролцуулах санаа байна.
2. 3-р сард МЭРГЭЖИЛ СУРТЧИЛАХ ӨДӨРЛӨГ хийх бодолтой байна. Энэ өдрүүдэд төгсөгчид нараараа лекц яриа хийлгэж одоо эрхэлж байгаа ажил бүтээлтэй нь танилцуулан мөн та бүгдийн хийсэн зүйлээр үзэсгэлэн гаргах юм. Эрхэм Төгсөгч нар маань багш нараа дэмжин мэргэжил суртчилах өдөрлөгт өргөнөөр оролцоно хэмээн итгэж байна. Өдөрлөгийн үеэр гаргах үзэсгэлэнд тавиулах өөрсдийн бүтээлээ багшдаа авчирч өгнө хэмээн найдаж байна. Бүтээл нь төрөл бүрийн хэрэглээний програмууд, хөдөлгөөнт програмууд, хэвлүүлсэн зүйлс, улс олон улсын шагналууд зэрэг та бүхний хэрхэн явааг илтгэх юу ч байж болно. За Төгсөгчидөө, энэ бол мэргэжлээ бүгдэд суртчилах Алтан боломж шүү. Үүнээс өмнө манай мэргэжлээр нэг ч ийм үзэсгэлэн гарч, өдөрлөг зохиогдож байгаагүй. Иймд үүнд бүгд сэтгэл гарган оролцоно гэдэгт найдаж байна. Мөн өдөрлөгийн үеэр радио, зурагтынхныг урьж авчирч мэргэжлээ бас суртчилж болно шүү. Өдөрлөгийн хүрээнд сайн дураараа ирж лекц унших яриа хийх хүн байвал надтай холбоо бариарай.
3. Түүхийг илтгэсэн зурагтай ном гаргах санаа байна. Номонд энэ мэргэжил хэрхэн нээгдсэнээс эхлээд одоо хэрхэн хөгжиж байгааг тусгах юм. Гол нь бүх төгсөгчидийг зурагтай нь товч анкет эсвэл сэтгэгдэлтэй нь гаргах юм. B5 хэмжээгээр хэвлүүлье гэж бодож байгаа. Өнгөтөөр. Төгсөгч бүрт энэ номын хуудас нээлттэй. Өөрийнхөө зургийг сэтгэгдэлтэйгээ эсвэл анкеттайгаа гаргахыг хүсвэл зургаа тексттэйгээ бэлтгэж байгаарай. Мэдээж ном хэвлүүлэхэд зардал орох учир материалыг авахдаа тодорхой хураамж авах болно. Үүний хараахан тохироогүй байна. Үүний дараагаар төгсөгч өөрийн мэдээлэл багтсан мэргэжлийнхээ түүхтэй номыг бэлгэнд авах болно.

Багш бид нар чинь одоохондоо ийм л санаа гаргаад байна. Үүн дээр өөр санаа нэмэх хүн байвал бид баяртай хүлээн авах болно.

Дээрх ажлуудыг хэргэжихэд төгсөгч бүрийн идэвх зүтгэл хэрэгтэй гэдгийг бүү мартаарай. Мөн Ангийн дарга өөрсдийн ангийг зохион байгуулан идэвхтэйгээр оролцоно гэдэгт найдаж байна.