Зайнаас суралцахаар хичээл сонгосон Магиструудад! Энэ бол та бүхний өмнө нь суралцаж байсан уламжлалт танхимын сургалтаас ихээхэн ялгаатай болохыг дахин хэлмээр байна.
Одоогоор надад 52 оюутан бүртгэгдсэн байна. Эдгээр оюутнуудаас 6-н оюутан оюутан мэйл явуулсан дотор шаардлага хангасан хэлбэрээр даалгаврыг илгээсэн хүн байхгүй байна.
Иймд Эрхэм Магиструудаа даалгавраа анхааралтай дахин уншаад заасан хугацааны дотор хийж явуулаарай.
1-р даалгаврыг хүлээж авах хугацааг сунгалаа. 9-р сар дотор багтаан мэйлээ явуулаарай. Ирсэн мэйл болгонд хариу бичдэг учир хэрэв та хариу авахгүй байгаа бол таны мэйлийг би аваагүй байна хэмээн ойлгоход болно.
Хичээл энэ сайт дээр байгаа лекц дээр үндэслэгдэн явах бөгөөд Е Нээлттэй сургуулийн сайт дээр байгаа лекцийг нэмэлт болгон үзнэ. Гэхдээ Е Нээлттэй сургуулийн сайт руу аль болох тогтмол орж байх хэрэгтэй. Учир нь тэр сайтаар онлайн журнал бүртгэгддэг гэдгийг анхаарна уу!
10-р сарын 1-ээс хойш энэ сайт дээр байгаа лекцээр даалгавар өгч эхэлнэ. Тэр болтол лекцэнд шинэчлэлт өөрчлөлт хийгдэх учир лекцийг 10-р сараас хойш татаж авахыг зөвлөж байна.
Зайн хичээл 50 ба 50 гэсэн оноогоор дүгнэгддэг. Энэ нь хичээлийн явцаас 50 оноо шалгалтнаас 50 оноо авдаг гэсэн үг.
Явцын 50 оноог явцын дунд өгөх даалгавар, онлайн чатанд оролцсон байдал, явцын сорилын дүн, Е Нээлттэй сургуулийн онлайн журналын бүртгэл зэргийг үндэслэн гаргадаг.
Даалгаврыг цаг тухай бүрт энэ сайт дээр тавих бөгөөд даалгавар бүр тодорхой хугацаатай байна. Хугацаа хэтрүүлсэн даалгаврыг хүлээж авахгүй буюу тооцохгүй.
Хичээлтэй холбоотой асуудлаар хоорондоо харилцан ярилцаж болох бөгөөд үүнийг CS701 бүлгийн дугуй ширээний ярианы булангаар дамжуулан хийнэ. Хичээлтэй холбоотой асуудлыг мөн тэнд үлдээнэ.
Recent Comments