Багш нарын баяр. Нэг л сэтгэл хөдөлгөсөн сайхан баяр. Яагаад гэвэл багш гэдэг Монгол хүний эрхэмлэн дээдэлж явдаг 3-н Эрдэнийн нэгэнд Бурхан багш, Эцэг эхтэй зэрэгцэн шүтэгддэг сайхан мэргэжил учраас тэр байх. Багш хүн гэдэг өөртөө байгаа мэдлэг чадвараа бусадтай, шавь нартайгаа харамгүй хувааж чаддаг онцлогтой хүмүүс. Шавийн эрдэм Багшаас гэж манай ард түмэн багшийн алдарыг мөнхлөн, сайн яваа хүмүүс багш нараа дээдлэн шүтсээр явдаг.
Энэ багш нарын баярыг тохиолдуулан,
- миний Эрхэм хамт олон ШУТИС-н Эрчим Хүчний Инженерийн Сургуулийн Нийт хамт олондоо болон
- УБ хотын 72-р сургуулийн Орос хэлний багш, Ангийн багш З.Далай танд
Багш нарын баярын мэндийг алсын Герман орноос хүргэн, Эрүүл энх байж, Ихийг бүтээхийг хүсэн ерөөе!
САЙХАН БАЯРЛААРАЙ!
Shawi naraa bayarlaala mash shn shuleg bn ta nar min eh orondoo tushigtei sn hun bolooroi !!! THANKS!!!
Амьд бурхан байдаг гэвэл тэр нь зөвхөн та билээ
Ариун мутраас нь адис авсан азтай хүмүүн нь бид билээ
Сац суварга олныг бүтээж ачийг тань хариулна гэвэл
Сая саяыг босгоод сэтгэл минь үл ханах билээ
Сүүдэр дайрвал хиртчих гэнэн цайлган насанд минь
Сүүнээс цагаан сэтгэлээр эрдмийн аянд хөтөлсөн
Сайхан залуу насаа бусдын төлөө зориулсан
Сайн мууг таниулж шинжлэх ухаанд сургасан
Олон ардын багачуудыг гар гараас нь атгуулан
Орчлонд хэзээ ч салахгүй үнэнч найзууд болгосон
Омог бардам омголон зандаа ташуурч явах үед минь
Ороолгосон харцаар ой тоонд минь амьдралын ухаан суулгасан
Тугалын бэлчээрт тоглож өссөн балчир хүүд
Төрийг тэргүүлж түвшин амьдрах жолоог атгуулсан
Учир мэдэхгүй ухаан балчир хүний хүүд
Улсыг удирдаж улам хөгжүүлэх урмыг өгсөн
Алдаа оноо алив болгонтой хамт байж
Амьдралын хичээлийн анхны үсгийг бидэнд заасан
Амжилтын оргилд цойлж яваа шавь нараараа бахархаж
Араас нь залбирч сүүгээ өргөдөг ээжийн минь энтэй БАГШ та билээ.
Хайрт багш тандаа Багш нарын баярын мэндийг хүргэе, та минь бидний бахархал юм шүү,аз жаргал эрүүл энхийг хүсэн ерөөе. КТ-4 ангийн шавь нараас нь
Эрхэм Шавь нартаа маш их баярлалаа. Багш хүний бахархал бол Шавь нар нь байдаг. Та нар минь бүгд эрүүл энх байж, хоорондоо эвтэй, хотол түмэндээ нэртэй яваарай! Та нар Монголд Компьютерийн чиглэлээр их юм хийх бүтэн нэг эрин үе шүү. Сайхан шүлэг байна. Уярлаа. Уйллаа. Урам авлаа. Баярлалаа.