Юуны өмнө Сайхан монгол орныхоо ирээдүй болсон Оюутан залуучууд, Сурагчдад эрдмийн цагаан замыг нь гэрэлтүүлэн байдаг Сурган хүмүүжүүлэгч бүх БАГШ нартаа багш нарын БАЯРЫН МЭНД ХҮРГЭЕ.
1-р ангид орж суралцсан цагаасаа л би боловсролын салбартай заяа холбон эхлээд сурагч байж, улмаар оюутан болж тэгээд багш болон амьдралынхаа хамаг л сайн сайхан мөчүүдийг энэ салбарт үдэж сууна.
Багш болсоор 22 жил өнгөрчээ. Багш болно гэж мөрөөдөж байсангүй, багадаа. Гэхдээ аавынхаа зөвөлгөөг даган услынхаа дуудлагаар багшийн ажлыг хийж эхэлсэндээ хэзээ ч харамсаж байсангүй ээ.
Багш үнэхээр сайхан мэргэжил. Залуучуудтай мөр зэрэгцэн амьдардаг, ямагт шинийг эрж хайж сурч байдгаараа энэ мэргэжил бусад бүх мэргэжлээс онцлогтой гэж би санадаг. Ямар ч нэртэй одоос илүү хэзээд хүний анхаарлын төвд байдаг бусдыг үлгэрлэж байх хүнд үүрэг бидэнд ирдэг. Мэдлэг чадвартай сайн багш байхын тулд гэр бүл, өөртөө зарцуулж чаддаггүй олон цагаа Багш хүн оюутнууддаа, хичээлээ бэлтгэхдээ харамгүй өгдөг. Түүнийхээ үр шимийг амсаж танихгүй байхад минь ч Багшаа би байна, би таны оюутан байна. Та сайн байна уу? хэмээн инээмсэглэн мэндлэх залуучууд биднийг цэнэглэж байдаг. Урам өгч улам бүр ихийг хийх хүслийг өдөөж байдаг.
Баярлалаа Оюутан Шавь нар минь. Та нар минь байгаа учир бид оршин буй. Эрхэм шавь нартаа Оюутан зулуучууддаа сайн сайхныг хүсэж Багш нарын баярын мэндийг та нартаа бас дэвшүүлье. Олон сайн багш нартай учирч ихийг сурч ихийг бүтээж яваарай.
Хүндэт багш нартаа дахин баярын мэнд хүргэе. Сайхан баярлаарай.
Recent Comments