Цахим сургалт ба тэнхимийн сургалтыг уламжлалт анагаах ухааны мэргэжлийн бакалаврын түвшний оюутнуудаар үнэлүүлэн харьцуулан судалсан судалгаа – ЭШӨ

Цар тахлын улмаас цахим сургалтанд бэлтгэл тааруу ч шууд шилжсэн сургалтын явцыг үнэлэх дүгнэх, оюутнуудад сургалт хүрч байгаа чанарыг тандан судлах зорилгоор, цахим сургалтыг, тэнхимийн сургалттай харьцуулсан судалгааг бакалавр түвшний оюутнуудаас авч, тэрхүү өгөгдөл дээрээ дүгнэлт, шинжилгээ хийсэн эрдэм шинжилгээний өгүүлэл сэтгүүлд нийтлэгдлээ.

Өгүүллийн эхийг Технологийг сургалтанд ашиглах олон улсын сэтгүүл (International Journal on Integrating Technology in Education “IJITE”) сэтгүүлийн 2021 оны 10-р ботийн 2-р дугаараас дэлгэрүүлэн уншаарай. Өгүүлэл дээр судлаач багш С.Базаррагчаа, Л.Цэрэндулам, Э.Сэлэнгэ нар хамтран ажиллав.

Өгүүллийг ишлэх загвар:

  1. Bazarragchaa Sodnom, Uranchimeg Tudevdagva, Tserendulam Luvsandorj, Selenge Erdenechimeg, (2021), Comparison of E-learning and Classroom Training for Bachelor Students of Traditional Medicine, in International Journal on Integrating Technology in Education (IJITE), June 2021, Vol. 10, Iss.2, pp.55-64, DOI: 10.5121/ijite.2021.10205

30-н жилийн ой

1991 оны 7-р сарын 12-13д хоёр өдөр, ах дүүс, найз нөхөдөө цуглуулсан нижгэр хурим ёслон айлын бэр болж байлаа. Цаг хугацаа ийм хурдан явдаг гэж тэр өдөр лав огт бодоогүй. Ерөөл айлдах хүнийг ажиглаад л, дуулах дууг нь сонсон, бужигнасан гэрийн хойморт хүндтэй аргагүй 2 өдөр заларч нүсэр найр болж байсныг л санаж байна.

Залуу байсан болохоор ирээдүйг бага боджээ тэр үед. Аав ээж 2 минь маш баяртай байсан нь сэтгэлд тодхон үлджээ. 2 өдөр үргэлжилсэн хурим дуусаад орой нь аав ээж харихаар гарахад би дагаад гарсан. Намайг дагаад Батаа бас Батаагийн ээж гарсан. Аав ээжийг дагаад л алхаад байсан гэнэт Батаагийн ээж ханцуйнаас татаад одоо хүү минь болно, буцъя, харья… гэж билээ.

Би зог тусаад их гайхаж аав руу харсан, аав зөөлөн инээмсэглэсэнээ, одоо миний хүү харь харь, гэр рүүгээ яв гэж билээ. Ээ тэр мөн ч чанга сонсогдож байж билээ. Хуримлан баярлаж суухдаа тэр чигтээ айлын хүн болж байгаагаа би ухаараагүй байсан гэвэл уншигч авхай лав намайг шоолох биз. Гэвч тэр бол нүцгэн үнэн юм. Хурим хийлээ л бол эргэж буцахгүйгээр тэр айлын хүн болж төрсөн гэрээ орхиж байгаагаа тэгэхэд л би ухаарсан даа.

Гээд юу ч буруу болсонгүй ээ… Гэнэн хонгор нас тэндээ үлдэж өнөөдөр би аз жаргалтай өрх гэрийн ихээ эрх дураараа, баяртай сайхан эхнэр, ээж болчихоод 30н жилийн ойгоо тэмдэглэж сууна. Сайхан биз дээ… Сайхаан.

Олон олон айл өрх тогтвортой байж, үрсээ төрүүлж, тэднээ өсгөөд, хатуу бэрх хорвоог хамтдаа туулж жаргах болтугай.

Наадам

Амьдрал гээч олон өнгөтэйг баталж энэ жил Монголчууд бид албан ёсоор Наадамаа цуцалж айхтар цар тахалтай тэмцэхэд зон олноороо анхаарч байна. Цаг нөхцөлтэйгээ холбогдсон энэ шийдийг түмэн олон минь олон өнгөөр хүлээж авсан ч тэгээд НААДАМ үнэхээр болсонгүй ээ…

Хэдий эх ороноосоо хол байгаа ч Наадамынхаа нээлтийг үзэж, баяртай сайхнаар өөдрөг суудаг сан. Өмнөх жилүүдийн нээлтийг үзээд л энүүхэндээ наадамлаж өнгөрч байна даа бид.

Ямар ч байсан нэг жил өнжлөө ч Наадам маань бидний сэтгэлд байж, уламжлал түүх минь амьд хэвээрээ, ард олон бид сэтгэлдээ наадамаа тэмдэглэж байна.

Монгол Түмэн олондоо Баяр наадмын мэндийг хүргэж алсын нутгаас мэхийн ёсолъё.

Цахим сургалт: эм зүйч мэргэжлийн онлайн сургалтыг SURE аргачлалаар үнэлсэн туршилт, судалгаа – ЭШӨ

Цахим сургалтанд SURE аргачлалаар үнэлгээ хийсэн туршилт, судалгааг энэхүү өгүүлэлд багтаав. Ковид 19 цар тахлын улмаас олон сургуулиуд урьдчилсан бэлтгэл хийж амжилгүй сургалтыг цахим хэлбэрт шилжүүлэх шаардлага үүссэн.  Үүссэн нөхцөл байдалд зохицон сургуулийн багш, удирдлага сургалтыг тасралгүй явуулахаар хичээлүүдийг цахим хэлбэрээр орж эхэлсэн. Ийнхүү бэлтгэлгүй шахам эхэлсэн онлайн сургалтын оюутанд хүрэх хүртээмж ямар байгааг энэхүү судалгаагаар илрүүлэхийг зорьсон.

Өгүүллийн эхийг Дээд боловрол сэтгүүлийн 2021 оны 5-р сарын дугаараас дэлгэрүүлэн уншаарай. Доктор С.Базаррагчаа, Доктор Э.Сэлэнгэ багш нартай хамтран ажиллаж энэхүү өгүүллийг хэвлүүлэв.

Өгүүллийг ишлэх загвар:

  1. Т.Уранчимэг, С.Базаррагчаа, Э.Сэлэнгэ, (2021), Цахим сургалт: эм зүйч мэргэжлийн онлайн сургалтыг SURE аргачлалаар үнэлсэн туршилтсудалгаа, Дээд Боловсрол сэтгүүл, Д.1 (5), хх.95-99, ISSN: 2707-6202.

Цахим сургалтын үнэлгээний SURE загварын өгөгдөл боловсруулах онлайн тооцооллын программ – ЭШӨ

Цахим сургалтын үнэлгээг SURE загварыг ашиглан хийж байгаа судлаач, багш нарт өгөгдлийг боловсруулахад зориулсан онлайн хэрэгслийг танилцуулсан өгүүллийг хүргэж байна. Өгөгдөлөө цуглуулж аваад боловсруулахад энэ өгүүлэлд дэлгэрэнгүй тайлбарласан онлайн программыг ашиглах боломжтой.

Зөвхөн SURE загварын дагуу цуглуулсан өгөгдлийг боловсруулахад ашиглаад зогсохгүй бүтцээр илэрхийлэх боломжтой өөр бусад үнэлгээний аргачлалаар цуглуулсан өгөгдлийг ч энэ программаар тооцуулж болно. Гол нь үнэлгээний өгөгдөл тодорхой бүтэцтэй байх ёстой.

Өгүүллийн эхийг Дээд боловрол сэтгүүлийн 2021 оны 5-р сарын дугаараас дэлгэрүүлэн уншаарай.

Өгүүллийг ишлэх загвар:

  1. Т.Уранчимэг, (2021), Цахим сургалтын үнэлгээний SURE загварын өгөгдөл боловсруулах онлайн тооцооллын программ, Дээд Боловсрол сэтгүүл, Д.1 (5), хх.77-82, ISSN: 2707-6202

SURE аргачлалаар онлайн сургалтанд хийсэн үнэлгээ – ЭШӨ, англи хэл дээр

THE EVALUATION CASESTUDYOF ONLINE COURSE DURING PANDEMIC PERIODIN MONGOLIA 

Цахим сургалт руу бэлтгэлгүйгээр бүгд шилжин орж сургалтаа үргэлжлүүлсэн олон багш нар өөрсдийн сургалтын чанар, хүртээмж болоод оюутнуудад хэрхэн хүрч байгааг судлах сонирхол эрс их байна. Ийм эрэлт хэрэгцээний нэгэн орон зайг нөхөж Доктор С.Базаррагчаа, Э.Сэлэнгэ багш нартай хамтран Эм зүйн шинжлэх ухааны их сургууль . . . → Read More: SURE аргачлалаар онлайн сургалтанд хийсэн үнэлгээ – ЭШӨ, англи хэл дээр

БАГШИЙН ҮНЭЛГЭЭНИЙ ӨГӨГДЛИЙГ SURE ЗАГВАРААР БОЛОВСРУУЛАН ХАРЬЦУУЛСАН СУДАЛГАА – ЭШӨ

БАГШИЙН ҮНЭЛГЭЭНИЙ ӨГӨГДЛИЙГ SURE ЗАГВАРААР БОЛОВСРУУЛАН ХАРЬЦУУЛСАН СУДАЛГАА

Эрдэм шинжилгээний өгүүлэл Нээлттэй Боловсрол 2021 эрдэм шинжилгээний хуралд хэвлэгдэв. ШУТИС нь жил бүр бүх оюутнуудаас шалгалтын өмнө 9-н асуултаар өгөгдөл цуглуулж авдаг. Энэхүү өгүүлэлд 2018 оны өгөгдлийг Онолын механик 2 хичээлээр таслан авч бүтэц суурилсан үнэлгээний SURE загварын тооцооллын аргачлалаар боловсруулсан судалгааг багтаав. Үнэлгээний өгөгдлийг . . . → Read More: БАГШИЙН ҮНЭЛГЭЭНИЙ ӨГӨГДЛИЙГ SURE ЗАГВАРААР БОЛОВСРУУЛАН ХАРЬЦУУЛСАН СУДАЛГАА – ЭШӨ

eduScrum идэвхитэй сургалтын аргыг тонгоруу сургалтанд ашиглаж, үнэлгээ хийсэн дүн – ЭШӨ, англи хэл дээр

Герман, Португаль, Франц болон Словакийн их сургуульд хамтран хэрэгжүүлсэн DriveMATH төслийн хүрээнд Кемницийн ТИС дээр eduScrum сургалтын аргыг тонгоруу сургалтанд анх удаагаа нэвтрүүлж туршсан билээ. Тэрхүү туршилтыг хэрхэн хийсэн болоод сургалтын шинэ арга барил оюутнуудын үнэлгээгээр ямар байсан тухай энэхүү өгүүлэлд багтаасан.

Тонгоруу сургалт, сургалтын үнэлгээ, үнэлгээний аргачлал чиглэлээр бүтээл туурвиж ажиллаж байгаа судлаач, . . . → Read More: eduScrum идэвхитэй сургалтын аргыг тонгоруу сургалтанд ашиглаж, үнэлгээ хийсэн дүн – ЭШӨ, англи хэл дээр

Нийтэд нээлттэй онлайн сургалтууд, Математикийн хичээлийн хувьд – ЭШӨ, англи хэл дээр

Интернэтийн хурд нэмэгдэж, ухаалаг зөөврийн хэрэгслэлүүдийн хэрэглээ нэмэгдэх тусам боловсролд гарч ирж байгаа нэгэн том өөрчлөлт бол зайнаас бие дааж сурах, орон зай цаг хугацаанаас хамаарахгүйгээр хүссэн улс орныхоо дурын сургуулийн агуулгыг хүртэх боломж нээлттэй болсон үзэгдэл юм. Энэхүү өгүүлэлээр MOOC хэмээн нэрлэгддэг нийтэд нээлттэй онлайн сургалт, тэр тусмаа ийм орчинд байгаа Математикийн хичээлүүдийн . . . → Read More: Нийтэд нээлттэй онлайн сургалтууд, Математикийн хичээлийн хувьд – ЭШӨ, англи хэл дээр

Олон улсын төсөл, цахим сургалтууд – ЭШӨ, англи хэл дээр

Ковид 19 гээч вирус гарч ирсэнээр дэлхий нийт цар тахлын хэмжээнд хүрч олон урьдчилж хараагүй арга хэмжээнүүдийг маш богино хугацаанд хийх, шинэ нөхцөл байдалд зохицох шаардлагатай болсон. Одоо ажиллаж байгаа сургууль маань Чехийн нэгэн сургуультай хамтарч IKON нэртэй олон улсын төсөл хэрэгжүүлж байлаа. Төслийн гол үйл ажиллагаа 2 талын сургуулиас оюутнуудыг татан оруулж хамтруулан . . . → Read More: Олон улсын төсөл, цахим сургалтууд – ЭШӨ, англи хэл дээр