Агуу хүмүүн

Дэлхийд ховорхон байдаг нэгэн биднээс салан одлоо. Энэ хүнтэй би хэзээ ч нүүр тулж уулзаж байгаагүй ч энэ мэдээ надад их хүндээр туссан. Олон хүн ийм байгаа гэдэгт би итгэж байна. Хэний тухай ярьж байгааг үүнийг уншиж байгаа болгон мэдэж байгаа байхаа. Тийм ээ энэ бол агуу зохион бүтээгч, суут сэтгэгч Стив билээ.
Хүн хичнээн агуу байж болохыг, хүн юуг бүтээж болохыг тэр бидэнд харуулсан. Боловсрол гэдэг ойлголтыг өөрөөр эргүүлсэн хүн бол тэр. Цол хэргэм, үзүүлэх дипломоор тэрээр бага ч хийсэн бүтээснээрээ бидний эриндээ цоорхой нэгэн байлаа. Бүтэн өдөржин би тэр хүний тухай мэдээллийг интернэтээс уншлаа. Улам ихээр бишрэх сэтгэл төрж байна. Тэр тусмаа бидний дунд ямар олон агуу хирнээ даруу хүмүүс амьдарч байгааг ойлгож байна.
Алдарт Стивийн тухай уншиж байгаад энэ нэгэн бас агуу бүтээлийг олж харлаа. Элсээр зурдаг хүмүүсийг би үнэхээр хосгүй авъяастай хүмүүс гэж боддог. Энд харин давсаар суут Стивийн дүрийг бүтээжээ. Агуу нэгэн хүмүүн өөр Агуу нэгнийгээ хэрхэн бүтээхийг та үзээрэй.
Авъяас билигтэй Агуу хүмүүн бүхний өмнө тэргүүн бөхийн ёсолном.
Эрхэм хүн Стив та амгалан нойрсож Шамбалын оронд мөнхөд залрах болтугай.
Ум ма ни бад мэ хум.