КТ мэргэжил

Сайн байцгаана уу? Эрхэм Шавь нар аа?
Та бүхэндээ энэ өдрийн мэндийг хүргэхийн хамт нэгэн мэдээг дуулгах гэсэн юм. Боловсрол Соёл Шинжлэх Ухааны яам болон ШУТИС-аас ижил төсөөтэй мэргэжил сургуулиудыг нэгтгэн төвлөрүүлэх болсноор манай ЭХИС дээр 2001 онд нээгдсэн “Компьютерийн техник” мэргэжлийн элсэлтийг 2011 оны хавраас ЭХИС дээр авахаа больсон билээ. Хэдий элсэлт аваагүй ч дараагийн жил авах байх гэсэн миний найдвар талаар болж манай энэ мэргэжил ЭХИС дээр хаагдаж байгаа бололтой.
Иймд элсэж ороод сурч байгаад дутуу хаясан ч төгсөж дипломоо авах сонирхолтой байгаа хүүхдүүд яаралтай сургалтын албан дээр очиж дүнгээ шүүлгэх одоо байгаа хүүхдүүд төгсөж дуусахаас өмнө амжиж төгсөх эсвэл өөр мэргэжил рүү шилжих зэрэг арга хэмжээгээ аваарай.
Ийм таагүй мэдээ дуулгаж байгаадаа багш нь хүлцэл өчье. Гэвч энэ шийдвэр багш бид нараас хамааралгүй, бид яагаад ч нөлөөлж чадахгүй байгааг бас ойлгоно биз дээ.
Төгссөн төгсөгч нарын хувьд мэргэжил хаагдаж байгаа нь таны цаашдын сурах болоод ажиллахад ямар ч саад үзүүлэхгүй гэдэгт итгэлтэй байж болно. Зах зээлийн шаардлага болоод улс нийгмийн бодлогоос хамааран мэргэжил нээгдэж хаагдах нь боловсролын системд байдаг үзэгдэл хэмээн хүлээн авахыг хүсч байна.