Програм бичих ажил байна – Герман

Эрхэм төгсөгч нараа, та бүхэнд дуулгах нэг мэдээ байна. ХБНГУ-н Кемниц хотын Технологийн Их Сургуулийн Компьютерийн Сургууль нь олон төсөл дээр ажилладаг бөгөөд энэ жил хэд хэдэн програм бичих ажил байгаа юм байна.
Би тус сургуулийн захирал Профессор Хардт-д програм бичих дадал, чадвартай хүүхдүүдээр тэр ажлыг хийлгэх санал тавьсан бөгөөд тэр миний саналыг эерэгээр хүлээн авсан. Монголдоо байж еврогоор цалинжин програм бичих ажил хийх сонирхолтой хүүхэд байгаа бол надад CV буюу өөрийн намтар, боловсрол, ажлын түүхээ файлаар ажиллах саналын хамт (англи хэл дээр) илгээнэ үү. Ажлын туршлага, ямар хэл дээр бичдэг болон ямар програмууд боловсруулж байсанаа жишээ баримтаар бичвэл сайн.
Асууж тодруулах зүйл байвал надад мэйл бичиж болно. Эсвэл энэ бичлэгийн дор асуултаа үлдээж болно.
За аутсорсинг хийх хүсэлтэй хүн байвал хөдөлдөг цаг шүү, хүүхдүүд ээ!