Schlumberger Foundation – хэрхэн өргөдлөө бэлтгэх вэ?

Сайн байцгаана уу? Эрхэм зочид оо,
Schlumberger сан нь эмэгтэй эрдэмтэдэд тэтгэлэг олгодог томоохон сангуудын нэг билээ. Жил бүр зарлагддаг энэ тэтгэлэгт судлаач Та өөрийн өргөдлөө өгөх боломж нээлттэй байдаг. Өргөдөл авах хугацаа 9-р сард нээгдэж 11-р сард хаагддаг. Сонголтын 5-н үе шаттай бөгөөд хэрэв та 4-р шатанд үлдсэн бол танаас утсаар ярилцлага авдаг. Ингээд 3-р сарын сүүлчийн өдөр вэб хуудсан дээрээ тэтгэлэгт тэнцсэн эрдэмтэдийн нэрийг жагсаан гаргадаг.
Хэрэв та гадаадад докторын зэрэг хамгаалахаар ажиллаж байгаа, эсвэл докторын зэрэг хамгаалчихаад докторын дараагийн сургалтанд хамрагдах, судалгааны ажил үргэлжлүүлэн хийх хүсэлтэй байгаа бол энэ тэтгэлэгт хандаж болно. Өгөгдсөн хаягаар орж New and Renewal Grant Application Process гэсэн хэсэгт байгаа мэдээлэлтэй анхааралтай танилцана уу.
Хэрэв Та өөрийгөө энэ тэтгэлэгт тавигдсан шаардлагуудыг хангасан хэмээн үзэж байгаа бол одооноос материалаа бэлтгэж эхлэхэд буруудах зүйлгүй. Ямар нэгэн тодруулж асуух зүйл байвал энэ бичлэгийн дор асуултаа үлдээнэ үү.
Санаж явбал бүтнэ, Эрсэн хүн эрлээ олдог гэсэн ардын мэргэн үгс юутай үнэн билээ…
Танд амжилт хүсье!