Шинэ магиструудын анхааралд

Энэ хичээлийн жилд шинээр зайнаас хичээл үзэж байгаа Магистр оюутнуудад анхааруулах нь!

1. Сэтгэгдэл оруулахад тэр дороо гарахгүй байгаад сандрах хэрэггүй. Спамуудаас сэргийлэх үүднээс админ эрхээр зөвшөөрдөг. Та хичээлтэйгээ холбоотой болон блогийн ерөнхий агуулгаас гажаагүй сэтгэгдэл оруулсан бол таны сэтгэгдэл хамгийн оройтлоо гэхдээ дараагийн өдөр гэхэд нийтлэгдэнэ.
2. Лекцүүд татагдаж болж байх ёстой. Хэрэв бэрхшээл байгаа бол мэйл бичээрэй.
3. Хичээл Е сургуулийн нэгтсэн төлөвлөгөөний дагуу явагдана. Е сургуулийн сайт дээр байгаа хичээлийн графикийг татаж авахад илүүдэхгүй.
4. Хэрхэн суралцах талаар заавар явуулсан байгаа. Мэйл хаяг нь байхгүй оюутан аваагүй байх магадлалтай. Иймд багшдаа яаралтай хаягаа өгөөрэй.
5. Бие даалтыг тайлан болгон эмхэлж зураг дүрслэлээр өөрийн хийснээ батлан файл хэлбэрээр илгээнэ. Тайлан дээр өөрийн кодыг заавал тавина.
6. Явцын сорил 2 удаа авна. Сорил онлайн тестийн төвөөр авдаг учир сорилоос хоцорсон бол нөхөж өгөх БОЛОМЖГҮЙГ анхаарч тэр өдөр ажлаа зохицуулан сорилоо заавал өгөхийг сануулж байна.
7. Виртуаль ярилцлагын өрөө нээсэн байгаа. Тэнд болон Ярилцах буландаа идэвхитэй байх нь таныг улиралын төгсгөлд дутуу оноогоо нөхөх гол хөдөлгүүр болох болно. Ялангуяа ярилцах буланд бусдад зөвөлгөө өгөх, харилцан хичээлээ ярилцах, хичээлтэй холбоотой ярилцлага өрнүүлэх зэргээр идэвхитэй ажилласан хэн бүхнийг дүн дээр анхааран үзнэ.
8. Хичээлийн туршид 2 удаа онлайн чат хийнэ. Чатын цаг өдрийг та бүхний мэйл хаягаар өгнө.

Зайнаас амжилттай сурах гол болзолууд бол:
– хичээлээ уншиж бие даалтаа хийн цагтаа илгээх
– явцын сорилоо өгөх
– онлайн ярилцлаганд оролцох
– Ярилцах буланд идэвхитэй ажиллах
– Нэмэлт онооны даалгавар хийх
– Бие даан нэмэлт материал судлах

Танд амжилт хүсье!
Хөтөч Багш