Монгол хүү гэртээ сууж байгаад алс холын алдарт MIT сургуульд зайнаас суралцан улмаар дэлхийн олон мянган хүүхдүүдээс мэдлэг чадвараараа шалгаран Тэргүүлжээ.
Оллоо онлайн сонинд мэдээлснээр тэрээр дэлхийн 160 000 хүүхдээс оноогоороо тэргүүлж 1-рт жагссан байна.
Ямар ч эцэг эх ийм хүүгээрээ, ямар ч сургууль ийм Сурагчаараа, ямар ч улс орон ийм Иргэнээрээ бахархана гэдэгт би итгэлтэй байна.
Монгол хүний хувьд би М.Баттүшиг хүүгээр маш ихээр бахархаж, улмаар мэдээллийн технологийн дэвшил хүн болгонд тэгш боломж, суралцах өргөн эрхийг олгож байгааг ийнхүү баталж өгсөнд баяртай байна.
Зайн болоод цахим сургалтын давуу талыг ийнхүү баталж дэлхийн алдарт сургуульд Урилгаар суралцах болсонд дахин дахин баяр хүргэе! Цаашдын сурлага хөдөлмөрт нь өндөр амжилт хүсч, ийм боломжийг хангаж өгсөн, ийм хүүг төрүүлэн өсгөж байгаа аав, ээж, ар гэрийхэнд бас баяр хүргэж байна.
Ташрамд дурдахад olloo.mn сайтын энэхүү мэдээний доор олон муухай сэтгэгдэлд бичсэн байсан нь тун харамсалтай. Англиар хазгай мурий ярилаа, сэтгэцийн өвчтэй болно ч гэх шиг. Манай Монголчууд цөөхөн хирнээ нэг нэгнээ ингэж байдагаа л үнэхээр болимоор юм даа. Нэг нэгнийхээ амжилтаар бахархаж, хамтдаа баярлаж сурмаар юм. Олимпын аварга Монгол хүн болоход хичнээн баярлаж байлаа даа. Эрдэм номоороо ийм өндөр амжилт гаргаж байгаа хүүд урмын үг хэлэх нь болохгүй юу байна? Спортын амжилтыг асар өндөрөөр үнэлдэг шигээ эрдэм боловсролтой ийм хүүхдүүдийг ч гэсэн улс сайн анхаарч үнэлж, гадаадад сурч боловсроод эргэж эх орондоо эргэн ирж хөдөлмөрлөх, бүтээхэд нь анхаарч байвал зохино.
Recent Comments