The European Institutes for Advanced Study (EURIAS) тэтгэлэг зарлагджээ. Судлаач, эрдэмтэн нарт нэр бүхий 16-н сургуульд (Berlin, Bologna, Budapest, Cambridge, Delmenhorst, Edinburgh, Freiburg, Helsinki, Jerusalem, Lyon, Marseille, Paris, Uppsala, Vienna, Wassenaar, Zürich) 10-н сар судалгаа хийх тэтгэлэг олгох юм байна. Хүмүүнлэгийн болоод нийгмийн ухааны чиглэлээр судалгаа хийж байгаа болон тусгай багаж, лабоартори шаардахгүй нийгмийн салбартай холбоотой бусад төрлийн судалгааны ажлуудыг мөн тэтгэлэгээр дэмжих ажээ.
Шинэхэн хамгаалсан хүмүүсийг докторын дараах судалгааны ажил хийх боломж олгох зорилготойгоос гадна судалгаа шинжилгээний ажлаар туршлагажсан ахмад судлаач нарыг мөн өргөдлөө илгээхийг урьж байна. Судалгааны ажлын санаа шинэлэг, нийгмийн ухаан болоод бусад салбар шинжлэх ухаануудыг нэгтгэсэн байдлаар хийгдсэн байх ёсйто бөгөөд олон улсын хэмжээнд хүлээн зөвшөөрөгдсөн өөрийн өгүүлэл, илтгэлүүдээрээ судалгааны чиглэлээ баталгаажуулсан байвал сайн.
2014-2015 оны хичээлийн жилд залуу 22 ахмад 22 нийт 44-н хүнд энэхүү тэтгэлэгийг олгоно. Залуу судлаач 26 000 евро, ахмад судлаач 38 000 евроны тэтгэлэг авна.
Эндээс дэлгэрэнгүй мэдээллийг авна уу.
Өргөдөлийг хүлээн авах хугацаа: 2014 оны 4-р сарын 15-аас 6-р сарын 5.
Сонгон шалгаруулалтын хариуг 2015 оны 1-р сард өгөх бөгөөд 2015 оны 9-р сараас сонгосон сургуульдаа очиж судалгааны ажлаа хийх боломжтой.
Танд амжилт хүсье.
Recent Comments