Зуны өдрүүд харвасан сум мэт өнгөрч нэг л мэдэхэд шинэ хичээлийн жилийн эхний өдөр тулан иржээ. Цаг хугацаа ийм хурдан болчихсон юм уу гэж өөрийн эрхгүй гайхмаар тийм л богинохон зун байлаа.
2010 оноос хойш зохион байгуулж ирсэн Зуны семинар маань энэ жил амжилттай болж улмаар Герман сургууль маань манай ЭХС-д электроникийн дизайны лаборатори бэлэглэхээр болов. Энэхүү семинарт явах боломжийг олгосон сургуульдаа гар хоосон буцаж ирээгүйдээ сэтгэл өег байнам. Одоо лабораторий ачиж авчрах сууриулуулах гээд олон ажил шилээ даран хүлээж байна.
Компьютерийн мэргэжлийн хичээлүүдийг багш нарынх нь хамт өөр сургууль шилжүүлэн авсантай холбоотой энэ жил Бакалаврт шинэ хичээл орох болж байна. Шинэ багш шиг л хичээлдээ бэлтгэх, дахин суралцах шинэ хичээлийн жил эхэлж байна.
Блогоо нэлээн амраасан хүлцэл өчье, уншигч нараасаа. Шинэ хичээлийн жилд олон сайн мэдээлэл, шинэлэг агуулгаар уншигч нараа баярлуулахаар мэрийн ажиллах болноо.
Эрдмийн цагаан мөр дуусашгүй байх болтугай.
Шинэ хичээлийн жилийн БАЯРЫН МЭНД ХҮРГЭЕ.
Recent Comments