MOOC

Massive open online course (MOOC) MIT нэгэн онлайн курс зохино байгуулж байгаа билээ. (http://learn.media.mit.edu/)
Хаврын тэргүүн сарын шинийн Нэгний өдөр эхний Live семинар нь болж бид зайнаас MIT-н профессорын лекц сонслоо. Нийтдээ энэ курст 24000 хүн бүртгүүлснээс 1458-н хүн дэлхийн өнцөг булан бүрээс энэ хичээлийг үзэж сонирхлоо. Нэгэн зэрэг ийм олон хүн зайнаас хандалт хийж ямар ч гацаа үгүй тод дүрс, дуутай хичээл зохион байгуулж байгаад анх удаа биеэрээ оролцож үзэв.
Сонирхолтой зүйл их байна. Энэ курс MIT Media Lab анх удаагаа ийм том сонсогчтойгоор зохион байгуулж байгаа анхны туршилт хичээл юм. Олон орны, төрөл бүрийн мэргэжилийн хүмүүс энд хамрагдаж хамтдаа суралцаж байна. Бид 4-н сарын турш хамтдаа их зүйл сурна хэмээн итгэж байна. Төлбөргүй, нээлттэй эх бүхий олон програм хангамж болон шинэ санаа эндээс олж авна хэмээн найдаж байгаа. Сурсан мэдсэн бүхнээ блогийн уншигч нартайгаа харамгүй хуваалцах болноо.