Daphne Koller – TED ярилцлага

Daphne Koller Стэнфордын Их Сургуулийн Профессор энэ эмэгтэйн ярилцлагыг Та тухлан сууж үзнэ үү.

Хиймэл оюун тэр тусмаа машин сурганы чиглэлээр мэргэшсэн энэ эрдэмтэний ярилцлагаас олон зүйлийг сурч болохоор байна. Бидний нэрлэж заншсанаар үзүүлэн файлыг хэрхэн бэлтгэж болохыг аргагүй л мэргэжлийн түвшинд харуулжээ. Үзүүлэн файлын өнгөний шийдэл, загвар, зохилдолгоо нь өөрийгөө компьютерийн хүн хэмээн үздэг хүн болгон харьцуулж хармаар үлгэр жишээ болсон санагдав.
Товч тодорхой, илтгэгчийн илтгэлийг тодруулан аргагүй л шигтгээ болж өгсөн гайхалтай хуудаснуудыг тэрээр харуулж байна.
Илтгэх урлагийг Профессор хүн хэрхэн эзэмшсэн байх ёстойг эндээс мөн харж болохоор байна. Энгийн даруу хувцасласан нь өөртөө итгэлтэйг харуулах бөгөөд сонсогчидын бодол санааг өөр дээрээ төвлөрүүлэх бас нэгэн арга хэмээн би ойлгож байгаа. Маш хурдан боловч үг хэллэг хурц тод байгаа нь аргагүй л Багш хүнд байх ёстой бас нэгэн чадвар мэт санагдана.
Манай Монголын Их Дээд Сургуулийн Профессорууд энэ хүн шиг хичээлээ зааж чаддаг, судалгааны ажилдаа гаршсан байдаг бол Монголын маань дээд боловсрол тун ч гэгээтэй байх байхдаа хэмээн бодож суулаа.
Түүний илтгэлийг анхааран сонсвоос Та олон чухал зүйлийг ойлгож авах болно. Хүн болгон сурах боломжтой болсон даяарчлалын энэ нийгэмд таны өмнө ямар боломж нээгдэж байгааг тэрээр үнэхээр тод томруун харуулж өгсөн нь гайхалтай. Би түүнийг биширч яриаг нь хэд дахин сонслоо. Танд ч гэсэн тухлан сонсохыг санал болгож байна.
Эрдмийн цагаан мөр арвин байх болтугай.