Үүлэн тооцоолол Таны гэрт

Орчин үеийн тоон технологийн хэрэглэгчид зөвхөн нэг тоон хэрэгсэлтэй байх нь ховор болсон билээ. Олон айлууд гэртээ салаалагч байршуулан интернэтийн орон зай, хэвлэгч, том хэмжээний хатуу дискээ хуваан хэрэглэж байна. Мэдээлэл хадгалах хэрэгсэл болох гар утас, зөөврийн дискний зай хэмжээ нэмэгдэх тусам хувь хүний хадгалах зурган болоод дүрст мэдээллийн хэмжээ улам бүр өссөөр байна. Их багтаамжтай өгөгдөлийг гэрийн хэмжээ ихтэй хатуу дискэн дээр хадгалах нь мэдээж зөв. Гэхдээ хэрэг гарсан үед алсын зайнаас гэрийнхээ компьютер рүү хандах боломжтой байхыг олон хэрэглэгчид хүсдэг. Ийм боломжийг үүлэн тооцоолол буюу үүлэн компьютер олгож байна.
Ойр зуурын үйлдлийг гэрийн компьютер дээрээ хийх боломжийг Radmin, TeamViewer, Hamachi, OpenVPN зэрэг програм хангамжууд бидэнд олгож байдаг. Эдгээр програмуудыг iOS ба Android ухаалаг гар утасны үйлдлийн системүүд дэмждэг.
Эдгээр програмуудын тусламжтайгаар гэрийнхээ компьютер руу зэргэлдээх тивээсээ ухаалаг гар утаснаасаа хандаж болно. Гэхдээ мэдээж ийм холболт хийхийн тулд компьютер тань асаалттай бас зохих програм хангамж нь ачаалагдсан байх ёстой. Гэтэл эзэнгүй гэрт байгаа компьютерийг яах вэ? Эсвэл компьютерийн хатуу дискэн дээр биш гэрт байгаа зөөврийн хатуу дискэн дээрээс мэдээлэл авах бол яах вэ?
Ийм үйлдлүүдийг хийхийн тулд та гэртээ зам заагч буюу роутор байршуулж гэрийнхээ бүх тоон хэрэгслүүдийг нэг сервер дээр удирдахаар байршуулан холбож өгч болно. Энэ боломж нь та гэртээ хаана хүссэн газраа вэб камер байршуулаад юу болж байгааг хянах улмаар гэрээ УХААЛАГ гэр болгон хувиргах боломжийг танд олгоно.
Ийм үүлэн тоон ертөнцийг гэртээ үүсгэхийг хүсвээс танд өөрийн гэсэн интернэтийн орон зай, сервер бас домэйн нэр хэрэгтэй. Энэ бүхэн мэдээж мөнгө шаардана. Төлбөртэй хувилбараас гадна www.no-ip.com ба dynni.com гэсэн төлбөргүй үйлчилгээнүүдийг ашиглаж болно. Домэйн нэрний үйлчилгээг тохируулах тийм ч хэцүү биш. Бага зэрэг хэл бага зэрэг анхаарал байхад болно.
Ийнхүү «Virtual Server» үүсгэж ашиглах нь олон талын давуу талтай. Гэхдээ өөрөө энэ бүхнийг хийх нь бэрхшээлтэй санагдаж байгаа бол серверийг зохицуулж өгдөг роутор авч хэрэглэж болно. AiCloud зэрэг зам заагч нь ухаалаг тоон ертөнцийг үүсгэх бүх боломжийг өөртөө агуулсан байдаг.
Эх сурвалж : Для тех, кто не доверяет облакам