Магадлалын онол – Дүрст хичээл 3

Энд дарж дүрст хичээлийг үзнэ үү.
Хичээлийн гол агуулгыг товчлон хүргэвэл:
Энэ хичээл дээр Их тооны хуулийн ерөнхий ойлголтыг магадлалын онолтой холбон энгийн сайхнаар тайлбарласан байна. Өмнөх хичээлүүд дээр магадлалын онолын үүднээс аливаа үйлдлийн магадлалыг хэрхэн тооцоолох талаар жишээгээр харуулсан бол энэ хичээл дээр магадлалыг туршилтын үр дүнгээр хэрхэн тооцоолох талаар харуулсан. Улмаар 4-н туршилтын дүнд дөрвөн удаа тоогоороо (манайхан мөнгийг тоо ба сүлд гэдэг учир тоогоор гэлээ, хичээлд бол толгой гэж ярьж байна) унасан бөгөөд хэрэв туршилтын үр дүнд итгэж дүгнэлт гаргавал тоогоор унах магадлал 1 болж байна. Харин онолоор бол тоогоор унах магадлал яг тал нь байх ёстой. Үүнийг мөн 3-н өнгийн бөмбөлөгийн туршилт дээр харуулжээ. Ногоон бөмбөлөг илүү олон гарч ирсэн учир ногоон бөмбөлөг гарч ирэх магадлал илүү байх мэтээр туршилтаас дүгнэлт хийж болох ч онолоор бол бөмбөлөгүүдийн сонгогдох магадлал ижил юм. Энэ онол болоод туршилтын зөрүүг хэрхэн арилгах вэ гэдэг дээр Их тооны хууль орж ирж байна. Их тооны хуулиар бол “хангалттай их тооны” туршилт хийж чадвал туршилтын үр дүн нь онолын тооцоот үр дүн рүү дөхөж очих болно гэсэн санаа юм.
Үүнийг монголчилбол: Худлаа үгийг мянга давтвал ҮНЭН болно гэдэг шиг юмуу даа.
Өөрөөр хэлбэл та судалгаа хийж туршилт явуулж байгаа бол таны гаргасан туршилтын үр дүн, ажиглалтын дүгнэлт тогтсон хэвшил болоод онолоос хэт их зөрөөд байгаа бол та туршилтаа, ажиглалтаа хангалттай их тоо болтол давтах ёстой юм.